Cebu City – Nakuha sa unang higayon sa Syudad sa Sugbo sukad sa iyang charter niadtong 1937 ang gitawag nga unmodified opinion gikan sa Commission on Audit (COA) alang sa financial transactions sa tuig 2020.
Matod ni Mayor Edgar Labella nga una kining higayon nga nakuha sa Cebu City Government ang maong rating nga gihulagway nga maoy pinaka-maayo nga rating gikan sa COA.
“Ang unmodified opinion nga rating sa COA nagpasabot nga maayo pagka dala ang pinansyal nga aspeto sa syudad,” matod ni Labella.
“Akong gihangop ang maong kalambuan ug nalipay ko nga in my first term of office as a mayor, nakuha kini nato nga rating bisan pa man nga padayon ang atong pakigbatok sa pandemya,” padayag sa mayor.
Sa ilang Annual Audit Report (AAR), matod sa COA nga financial statement sa syudad gihulagway nila nila “presents fairly, in all material respects.”
Naglangkob niini ang financial position ug ang financial performance, cash flows ug ang comparison sa budget ug actual amount sa year then ended ug naha subay kini sa International Sector Accounting Standards (IPSAS).
Matod pa nga kini nagpasabot nga ang pag gasto sa syudad sa kwarta sa katawhan nahisubay sa mga lagda sa balaod basi sa IPSAS.
“We believe that the audit evidence we have obtained is sufficient to provide basis and appropriate to provide a basis for a our “unmodified opinion” tipik sa COA report nga gipaambit sa mayor. (Jhon Tadlip)
(News & photos courtesy of Cebu City Public Information Office)