Cebu City-Malamposong gisilbi sa Philippine Drug Enforcement Agency o PDEA 7 ang freeze order nga giluwatan sa korte batok sa mga kabtangan sa magtiayong Daisy ug Artemio Salas sa brgy. Guadalupe, dakbayan sa Sugbo.
Mismo si Director General Wilkins Villanueva sa PDEA ang nangunay pagpangu sa operation ala una pasado gahapon sa hapon sa usa ka subdivision sa Guadalupe.
Matod ni Villanueva, nga ang balay nga kantidad og P5 milyon usa lang sa mga kabtangan sa mga Salas nga ilang nasubay.
Kini wala pay labot sa 12 ka sakyanan ug 19 ka condominium nga nahimutang sa siyudad, Leyte ug Ozamiz City, Misamis Occidental.
Gitumbok ni Villanueva ang magtiayon nga sakop sa Kuratong Baleleng drug group.
Ang magtiayon una nang nadakpan ug nabilanggo sa kasong maylabot sa illegal drugs.
Nahinabi sa mga tigbalita, si Villanueva miingon nga importante ang financial investigation sama sa pagsikop kanila.
Atol sa operation, didto ra sud sa balay ang umagad sa mga Salas.
Gitataw ni Villanueva nga mahimo pang mapuy-an ang balay apan di mahimong mabaligya. l via Jhon Tadlip/JTY
Source: PDEA-7
Photo: Net