33.8 C
Manila
Friday, March 29, 2024

Konseho Misuporta Sa Lakang Masukip Ang ₱19B Budget Sa NTF-ELCAC Sa 2021 GAB

- Advertisement -

Kusganong gipaluyohan ug gisuportahan sa konseho sa syudad ubos ni bise mayor Kikang Uy ang panawagan nga masukip sa 2021 General Appropriations Bill sa nasud ang P19 bilyones nga budget alang sa National Task Force to End Local Communist Armed Conflict (NTF-ELCAC).

Si konsehal Romeo Calizo, chairman sa komite sa public order and safety ug nangamahan sa gisagop nga resolosyon alang sa maong katuyuan, mipasabot nga dako ang matabang sa maong pundo aron mapatuman ang mga proyekto dinha sa 822 ka mga conflict-affected barangays sa tibouk nasud.

Matod niya nga ang maong pundo magamit aron mapatuman ang mga proyekto alang sa kapanginabuhian ug imprastraktura ingon man social development packages nga nahan-ay ubos sa Barangay Development Programs (BDPs)  dinha sa mga barangay nga nakonsidera nang limpyo gikan sa impluwensya sa Communist Party of the Philippines (CPP) ug New People’s Army (NPA).

Ang maong mga proyekto maglakip sa farm to market roads, school buildings, water and sanitation system, national greening program ug pagtukod og health centers taliwala sa paningkamot nga makab-ot ang dugang kalinaw ug kalamboan.

Gibutyag ni Calizo nga mokabat sa 11 ka mga barangay sa dakbayan sa Cagayan de Oro ang gilantaw nga makapahimulos sa maong mga proyekto ug programa.

Niini, si bise mayor Kikang Uy mipadayag sa iyang paglaum nga kun mapatuman ang mga proyekto ug programa dako kini og matabang sa mga komunidad ilabina sa katawhan dinha sa gitinguhang kalinaw ug kahusay. (Sangguniang Panlungsod – CdeO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -