Kagabii sa may alas 7 ang takna, Abril 20, 2020 nadakpan si Sta. Monica SB Member Noah Nier nga nagmaneho sa iyang service pick up sa checkpoint sa may Brgy. Taft nga nakalapas sa Exec. Order 37.
Gipangatarungan sa konsehal nga magsusi kini sa iyang lantsa sa Bilang-Bilang. May iyang quarantine pass nga gi-issue sa Brgy. Canlanipa apan wala dayon kini mapakita sa kapulisan.
Nagreklamo si Konsehal Nier sa sobrang ka-estrikto sa PNP, apan sumala pa ni Police Lt. Col. Christian Rafols II nga patas ang ilang pagpatuman sa balaud ug kon walay bug-at nga rason sa paggawas sa balay bisan pa may quarantine pass ilang dakpon.
Gisilbihan sa konsehal ang 7 ka oras nga detention sa grandstand apan gikan alas 7 sa gabii hangtud alas 9 sa gabii wala dayon madetinir tungod sa pipila nga mikaryo nga pabuhian. Nagpakitabang si Rafols sa media aron mapakita nila nga walay makalusot sa pagpatuman sa balaud nga Mandatory Home Quarantine. (jc/RPN DXKS)
Links of video
https://www.facebook.com/RPNSurigao/videos/853603398485688/