CAGAYAN DE ORO CITY- Alayon sa konpiramasyon ni President Rodrigo Duterte sa pagpatuman sa modified general community quarantine status (MGCQ) dinhi sa Cagayan de Oro ug Northern Mindanao kagahapong adlawa, si Mayor Oscar Moreno sa dakbayan malaumon nga adunay kongkretong statehiya ang ipatuman aron mapadala ang assessment ug pagdumala sa mga locally stranded individuals (LSIs) ug sa mga returning overseas Filipinos (ROF)
Ang pamahayag sa Mayor gihimo atol sa press briefing diin iyang gilantaw nga sa mosunod nga semana mas modaghan pa ang mangabot sa syudad gikan sa nagkalain-laig dapit sa nasud diin angayan nga maplastar ang mga health care facilities alang sa mga admissions niini.
Gibutyag usab sa mayor ang kasinatian sa Caraga Region diin gikataho nga nanggahin ug duha ka semana sa dili pa modawat sa LSIs ug ROFs tapos mopailawom sa community isolation units gumikan usab sa nagkataas nga Covid-19 positive casers sa mga nangabot.
Nanghinaut ang mayor nga hatagan kini sa pagtagad sa national government ilabi na ang pag-issue sa klaro nga guidelines alang sa mga local government units.