Inpakaammu ni Hon. Vice Mayor Maynard Bumanglag iti ili ti Pinili a naaprubaranen ti kiddaw ni Mayor Rommel T. Labasan iti nadakamat nga ili manipud iti probinsia nga Ilocos Norte a pannakaited ti tablets kadagiti estudyante ti nasao nga ili.
Kinuna ni Hon. Bumanglag bayat iti chairman’s report iti naiwayat a regular session dagiti Sangguniang Bayan, nga agdagop 1,500 tablets iti inaprubaran ti probinsial a maited iti ili ti Pinili.
Innayonna, a dagitoy a tablets ket manamnama a maited kadagiti kualipikado nga elementary students, high school students ken day care workers iti ili.
Iti agdama, awan pay iti madesisyunan ti nadakamat nga ili no asinno dagiti agbalin a benepisyaryo ti nasao a kiddaw ti mayor iti probinsia. (Alyssa Pagdilao, RPN DZRL Batac Correspondent)
 (Source: LGU PiniliI)