GIHATAGAN og pasidungog ang lima ka mga barangay ning syudad tungod sa ilang maayong programa ug implementasyon sa nutrition agi’g pakigbatok sa COVID 19 atol sa gipahigayong 2020 Search for Outstanding Barangay Nutrition Cluster bag-ohay lang.
Ang Brgy Kauswagan ang napiling 1st placer, ug gisundan kini sa Brgy Carmen sa ikaduhang ganti; Brgy Camaman-an – 3rd placer; Brgy Consolacion isip 4th placer ug Brgy 24 sa 5th place.
Nakakuha usab sa average score nga 90% ang mga mosunod nga barangay: Brgy Nazareth; Balulang; Pagatpat; Balubal; Brgy 10; Brgy 11; Mambuaya; Brgy 24; Bayabas; Bulua; Tignapoloan; Bugo ug Puerto.
Kini bisan pa man sa nasinating pandemic ug kalisod apan makugihong nagpadayon ang pagserbisyo ug pagdasig sa mga barangay officials ug mga personahe sa pagsumpo sa malnutrition sa mga kabataan ning syudad. (CIO)