Iriga City – Maski nagsakat na sa labing 2 mil an bilang kan mga tinamaan nin corona virus disease sa rehiyon kan Bicol, alagad masasabing nagbababa an numero kaini huli sa mas dakol an nakaka-recover. Iyo ini an ipinahayag ni Dir. Anthony Nuyda kan DILG matapos na maka-olay kan Radyo Ronda kasabay kan paglaom na mapadagos an magayon na response kan mga local na gobierno sa tabang kan DOH.
Mientras na sinusurat an baretang ini an Camarines sur na igua kan pinakadakol na kaso sa rehiyon igua na sana nin 67 active cases huli ta naka-recover na an 387 mientras na 5 an binawian nin buhay.
Sigun pa sa opisyal yaon sa maray na direksyon an mga LGUs sa rehiyon sa saindang Covid response. Sa nasabing mga recoveries apat digde an hali sa cuidad nin Iriga.
(OIC Melvin Barayoga, RPN DZKI Iriga)
(Source: Interview with DILG Director Anthony Nuyda)