Cagayan de Oro – BUKSAN sa syudad ang kasaulogan sa Chinese New Year karong Huwebes, Pebrero 8 pinaagi sa ceremonial lighting ug Lion Dance sa hawanan sa City Hall nga pangulohan mismo ni Mayor Rolando “Klarex” Uy.
Lakip sa mga gihan-ay nga mga kalihukan sa Chinese New Year ang Pyro Music Fireworks sa Pebrero 9 nga ipahigayon sa Rio de Oro Boulevard sa alas 8:00 sa gabii.
Kini nga kasaulogan saksihan usab ni Mayor Klarex kauban ang mga lideres sa Filipino-Chinese community sa Cagayan de Oro.
Sa mensahe ni Mayor Klarex Uy atol sa pagpakayab sa nasudnong bandila sa City Hall karong buntag, iyang gidapit ang katawhan nga mosaksi sa maong kasaulogan agi’g pahinungod sa iyang administrasyon ug sa dakbayan sa Filipino-Chinese community ug pagpakita sa suporta kanila.
Lakip sa mga kalihukan sa Chinese New Year ang pagdagkot sa incense sa Bell Church, ingon man fireworks display karong Pebrero 9, Lion Dance sa pinili nga mga dapit sa syudad lakip sa City Hall ug ang Mayor’s Cup Dragon Boat Race nga ipahigayon karong Pebrero 17 ug 18 sa Isla de Oro.
News and photo courtesy of CIO CDO