Cagayan de Oro – Usa ka kasabotan ang gipirmahan tali sa City Nutrition Committee ug IYCF EO51 Task Force, Cagayan de Oro City Police Office (COCPO), Northern Mindanao Medical Center (NMMC) Human Milk Bank Lactation Unit ug JR Borja General Hospital (JRBGH) kalabot sa paghatag og breastmilk alang sa mga inahan nga aduna’y premature ug nagsakit nga babies.
Ang kasabotan kabahin sa ikatulo nga ‘Hakab sa Oro’ ug ikaupat nga ‘Infant and Young Child Feeding (IYCF) Summit’ niadtong Agosto 31, diha sa VIP Hotel, ning siyudad.
Milambigit sa pagpirmahay sa Human Milk Bank Terms of Agreement mao sila si City Nutrition Action Officer Nenita Rabe, Dr. Jessamine Sareno, head sa NMMC Human Milk Bank Lactation Unit, uban ang mga representante sa COCPO ug JRBGH.
Hisayran nga ang NMMC Human Milk Bank and Lactation Unit magsilbing storage sa donasyon sa breastmilk nga ihatag sa mga inahan nga nanginahanglan niini, samtang ang COCPO ug JRBGH maoy mag-assist sa milk letting activities.
News and photo courtesy of Cagayan de Oro City Information Office