Cebu City – Gi deploy ang duha ka platoons nga naglangkob sa 120 ka police officers gikan sa Regional Mobile Force Batallion ug 80 ka mga police gikan sa Cebu City Police Office (CCPO) sa lain-lain lugar sa Syudad sa Sugbo nga sagad tapukanan sa mga protester, nonot sa kataposang State of the Nation Address (SONA) ni Presidente Rodrigo Duterte, Hulyo 26, 2021.
Mga lugar nga gi-monitor sa kapolisan naglakip sa gawas sa Department of Labor and Employment Office 7, dool sa CCPO headquarters sa Gorordo Avenue, Fuente Osmena Rotunda, Colon St. ug Plaza Independencia.
Buntag pa lang, gibana banang moabot ug 200 ka mga sakop sa progresibong grupo ang nag-abot sa Colon bitbit ang tagsa tagsa nilang placard ug material nga dunay lain-laing mensahi nga nagsupak o nagsaway sa palisiya ni Presidente Duterte ug mga lokal nga mga isyu.
Lakip sa ilang mga mensahi ug panawagan ang mosunod: Junk Terror Law, Stop the Killing, Prosecute Duterte, Defend West Philippine Sea, Ibasura ang Charter Changer ug ang pagsupak sa Carbon Market Privatization sa lokal nga isyu.
Gibutyag ni CCPO Deputy Director for Operations Lt. Col Wilbert Parilla nga ilang giisa ang alert status ngadto sa full alert alang sa SONA sa Presidente, ug ila sab kining i downgrade homan ma deliver sa Presidente ang iyang SONA.
Matod ni Parilla nga ilang i istrikto ang pag implement sa health protocols sama sa pagsul-ob ug face mask, pag observe sa social distancing, tungod kay nakasinate ang Syudad sa Sugbo ug three-digit nga pagsaka sa coronavirus disease 2019 (Covid-19).
Sigon pa sa opisyal nga ilang i disperse ang militanteng grupo kung mo desisyon ang Emergency Operation Center nga i ban ang mga rally.
Samtang, si Philippine National Police (PNP) Chief Guillermo Eleazar mipahibaw nga mi issue sila ug permit alang sa pagpahigayon ug pickets atol sa SONA.
Nagkanayon si Eleazar nga ilang gitugtan ang lihok protesta ubos sa mosunod nga kondisyon: mosunod ang mga protester sa minimum health protocols sama sa pagsul-ob ug face mask ug face shield ug mo observe ug physical distancing; ipahigayon ang protesta sa gitugot nga lugar; walay mga bata ug senior citizen nga tugtan nga mosalmot sa programa.
“What we have to do is to check or monitor kung sinusunod nila ang mga napag-usapan,” matod ni Eleazar
“As usual, our police will exercise maximum tolerance but at the same time we are appealing to the militant groups to do their share and police their ranks to ensure a peaceful and orderly Sona. Of course, our police are always alert and would not hesitate to use legal force if the protesters become unruly,” dugang mensahi ni Eleazar. (Jhon Tadlip)
(News & photos courtesy ofCebu City Police Office | Philippine National Police)