Kapitan Pacquiao Nanguna Sa Pagpanghatag Og Ayuda

Gipangunahan ni General Santos City Association of Barangay Captains kon ABC PRESIDENT og Kapitan sa Barangay Labangal Lorelie Pacquiao ang pagpanghatag og ayuda sa 320 ka mga household sa Purok Soling sulod sa Olarte Compound, Barangay Labangal syudad sa General Santos.

Kahinumduman nga gigahinan sa syudad og tag-usa ka sako nga tinag-25 kilos ang kapin 190, 000 ka households sa dakbayan kung diin gitahasan ang mga Barangay nga man guna sa pag-apod-apod sa ilang mga purok.

Nagpadayag ang katawhan sa Purok Soling sa ilang dakong pasalamat sa ayuda gikan sa panggamhanan.

Sa kasamtangan, nagpadayon pa ang pagpanghatag og ayuda sa Barangay Labangal ngadto sa 42 ka mga purok nga naglangkob sa maong Barangay.