Cebu City- Dunay 52 ka healthcare workers ang natala sa Department of Health o DOH 7 nga nataptan sa coronavirus disease o Covid 19.
Sumala pa sa DOH 7, dili ikatingala nag matakdan sa virus ang mga health workers tungod sa ilang trabaho isip usa sa mga front-liners.
Segun sa record sa DOH 7 ug sa Resu o Regional Epidemiology & Surveillance Unit, 23 sa maong gidaghanon ang mga nars, unom ka admin personnel, lima ka doctor, lima ka nursing attendant, lima ka utility workers, tulo ka psychologist, tulo ka social worker ug duha ka midwives.
Hinuon, wala iklaro sa report sa DOH ang nahimutangan sa nahisgotang mga pasyente.
Sa sayo pa, gipadayag sa DOH 7 nga ang mga tambalanan ug ubang health institutions sa Central Visayas gimandoan pagpahigayon og “extensive infection control and preventive measures” kon adunay usa sa ilang mga sakop nga magpositibo sa Covid 19.
Segun sa DOH 7, aduna nay 2,863 ka kaso ang tibuok Central Visayas diin 2,141 ang aktibo pa.