30 C
Manila
Friday, March 29, 2024

Kapin Sa ₱24 Milyones Ang Giaprubahan Nga 2021 SEF Budget Sa Dipolog City

- Advertisement -

Daku ang kalipay ug pasalamat sa DepEd Dipolog City Schools Division ilawom karon sa administrasyon ni Dr. Virgilio P. Batan Jr., lakip na ang mga magtutudlo ug mga kawani, ngadto kang Mayor Darel Dexter T. Uy,  gumikan sa hini-usang pag-aprobar sa mga miyembro sa Local School Board (LSB) sa Dipolog sa badyet sa Special Education Fund (SEF) alang sa tuig 2021, nga nagkantidad sa molabaw sa 24 milyones ka pesos, halos 21% nga usbaw gikan sa milabayng tuig (2020) nga 19 milyones ka pesos,  alang sa pagpatuman sa ilang mga programa, proyekto ug mga kalihukan bisan pa sa nagapadayong hulga sa COVID 19.

Sumala pa ni Dr. Virgilio Batan, Jr., ang kasamtangang City Schools Division Superintendent sa DepEd Dipolog, nga hayan, mapatuman na gayud nila ang mga gisugyot nga mga proyekto, sa pagpa-ayum-ayum sa mga pipila ka mga tulunghaan, ug ang pagtukod ug dugang nga mga classrooms, isip pagpangandam unya sa implementasyon sa face-to-face classes.

Gawas niini, mipabati usab si Dr. Batan sa iyang dakung pasalamat ug kalipay ngadto sa pribadong sector sama sa Sunlight Foundation, Security Bank, Filipino-Chinese Chambers of Commerce & Industry, Inc., gumikan sa ilang donasyon nga school buildings nga nakahatag ug igong lugar sa mga tulunghaan alang sa mga magtutungha. Dugang pasalamat usab ang gipabati ni Dr. Batan ngadto kang Mayor Uy sa iyang donasyon nga daug sa raffle draw sa Fil-Chinese Chambers of Commerce nga nagkantidad ug hapit tunga sa milyon ka pesos nga iyang ipahimutang alang sa pagtukod ug school building ngadto sa Sinaman Elementary School. Gawas niini, gipahibalo usab ni Dr. Batan nga midonar usab ang kagamhanang lokal sa Dipolog sa kantidad  nga ₱ 7 milyones alang sa pagpalit sa reams sa bond-paper, tinta’ ug roll master sa risograph alang sa pag-imprinta sa mga modules nga gikinahanglang sa mga magtutungha.

“Nabati namo ang tinud-anay nga pagtabang sa LSB ug kagamhanang lokal sa Dipolog alang sa kalambu-an sa education sector ug kini tukbangan sa mga opisyales ug magtutudlo sa Dipolog DepEd sa ilang “committed service” alang sa kaayuhan sa mga kabataan ug kabatan-onan ilabi na sa ilang pagtu-on,”  panapos ni SDS Dr. Virgilio Batan, Jr.. (City Information Office-prr)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -