31.2 C
Manila
Friday, March 29, 2024

Kapin 3 Mil Ektaryang Luna Sa Talaingod Patamnan Ni Kuya Gov Jubahib Ug Mga High Value Crops

- Advertisement -

DAVAO CITY- PATAMNAN ni Gobernador Edwin I. Jubahib (Kuya Gob) ang sobra tulo ka libo ektaryas bakanteng luna sakop sa lungsod sa Talaingod nga gituboan lang ug cogon ug sagbot aron kini mahimong mapuslanon.

Kini human gilibot ni Kuya Gob ang mga Sitios sa Malaku, Cabidianan ug gilantaw lang ang Sitio Lambid ug Sitio Naputkalan tungod sa kusog nga ulan, Byernes, Septyembre 6 atol sa ikatulong adlaw sa Oplan TABANG.

Plano ni Kuya Gob i-develop ang bakanteng luna pinaagi sa pagtanom ug pinya, abaca, kape ug cacao ug nagtug-an nga bisan kung wala pa kini matamni duna na’y “ready buyer” gikan sa mga nasod Japan ug China.

“Sugdan nato ni this year.Walay gyoy rason nga dili moasenso ang Davao del Norte tungod sa atong yuta. Mao ra ni ang atong capital. Di ko mosugot nga magpabilin lang ning mga yutaa nga naka-“idle,” gusto nako tamnan, gusto nako mokita. Himoon nako ni nga province nga “farming.” Ang atong itanom dire pinya, abaca, kape, cacao,” matod ni Kuya Gob nga naghisgot kauban sa mga department heads sa Kapitolyo lakip na ang DavNor Provincial Agriculture Office (PAGRO), PENRO ug Engineering nga pulos nagpayong tungod sa ulan.

“Kining mga yutaa magamit. Dili pwede magpabilin ang yuta nga way tanom,” pasiugda ni Gobernador Jubahib nga naga-panglantaw na daan sa kanindot sa lugar kung kini matamnan na ug pinya.

Sa ikatulong adlaw sa Oplan TABANG sa Talaingod niadtong Septyembre 6, gipasalig ni Gobernador Jubahib nga samtang siya pa ang gobernador gusto niya nga ang tanan moasenso ang pamuyo ug ang usa ka paagi niini mao ang pagtanom sa mga bakanteng yuta.

“Dili ko mosugot nga parehas karon, nga ang inyong yuta bakante kaayo, cogon ra ug mga sagbot ang naa sa inyong yuta. Ang gusto nako nga sa akoang termino hangtod nga ako ang mahimong gobernador, ang gusto nako nga moasenso ang inyong tagsa-tagsa ka pamuyo,”

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -