CAGAYAN DE ORO CITY- Ang kanhi namuno sa Cagayan de Oro Archdiocese’s Social Action Center mao na karon ang bag-ong arsobispo sa bagang deboto sa simbahan sa Roma Katolika sa dakbayan. Gianunsyo sa Catholic Bishops Conference in the Philippines nga gitudlo ni Pope Francis si Rev. Jose Cabantan, ang bishop sa Malaybalay City nga maoy puli kang Cagayan de oro Archbishop Antonio Ledesma. Ang anunsyo sa Santo Papa gihimo gahapon, Hunyo 23.
Si Ledesma miretiro na sa nakalabay’ng tuig tapos kini nakaabot na sa mandatory age alang sa mga bishops sa panuigon nga 75 anyos. Siya nagpadayon pagsilbi isip arsobispo sa temporary nga kapasidad samtang nagpaabot pa sa desisyon sa Vatican sa ihulip kaniya.
Si Cabantan nagpanuigon sa 63 anyos, natawo sa lungsod sa Lagonglong, Misamis Oriental ug naordinahan sa panuigon nga 32 anyos niadtong Abril30, 1990 sa St. John the Baptist Parish sa Lagonglong. Siya ang unang gitudlo isip arsobispo gikan sa St. John Vianney Theological Seminary sa Cagayan de Oro nga adunay degree sa Pastoral Ministry. Siya naghawid sa usa ka Licentiate in Social Theology sa Loyola School of Theology sa Manila.