Cebu City – Gisugat ang bag-ong tuig 2021 ug insidente sa pagpusil-patay sa usa ka kanhi San Fernando mayoral candidate, Ruben Feliciano uban sa iyang pag-umangkon, sa Brgy. Apas, Syudad sa Sugbo pasado alas 6 kagabii.
Matod ni Police Captain Renz Talosig, Mabolo Police Chief nga gikonpirma sa pamilya ni Feliciano pinaagi sa ig-agaw sa iyang una niyang asawa nga si Ruben ang namatay.
Si Feliciano, usa ka negosyante ug midagan atbang ni San Fernando incumbent Mayor Lakambini ” Neneth” Reluya niadtong piniliay sa 2019.
Basi sa imbestigasyon, si Feliciano ug ang iyang pag-umangkon nga si Kim, naglakaw gawas sa ilang gi-abangan nga balay sa Lower Fulton Street, Barangay Apas, dihang gihunungan sila sa usa ka puti nga van ug nanganaug ang wa mailhing mga lalake dayong pamusil ngadto nila.
Patay diha diha si Feliciano human naigo sa iyang lawas ug sa kamot, samtang na-igo sab sa bala si Kim ug gidali pag dala sa tambalan.
Gibutyag ni Talosig nga nadawat ang alarma pasado alas 6:30 kagabii-New Year.
Sigon sa police chief nga nakadungog ug buto buto ang mga tawo nga diha sa dool sa wala pa mahagba ang biktima daplin sa dan.
Nagkanayon ang opisyal nga way mihatag ug dugang pamahayag labot sa nahitabo ug gi imbestiga niini ug pila ka indibidwal ang mihimo sa krimen.
Gisubay karon ug duna bay CCTV sa lugar, human misibat ang mga mamumuno sakay sa van nga way license plates.
Gitan-aw ang posibleng mga motibo sa pagpatay kon politika ba, negosyo o personal.
(Jhon Tadlip/JTY, photo courtesy: Ruben Feliciano’s Facebook account)
(Source: Mabolo Police Station)