Cagayan de Oro – OPISYAL nang kandidato ubos sa bando sa PaDayon Pilipino si kanhi mayor sa Cagayan de Oro Oscar Moreno, kauban ang running mate niini nga si veteran journalist ug 5-term councilor Zaldy Ocon isip bise mayor, sa dihang sila mo duso sa ilang sertipiko de kandidatura karong adlawa Lunes, Oktubre 7, 2024, kuyog si First District Cong. Lordan Suan, kinsa magpasubli sa susamang posisyon.
Si Office of Cong. Lordan Suan Deputy Director Bert Amplayo nagkanayon, hilabihan ka daghan sa supporters ang miuban sa Kongresista ug iyang grupo sa PaDayon Pilipino isip pagpakita sa kusganong pagpakabana nga usbon ang dagan ug imahe sa pang-gobyerno karon sa dakbayan.
Ang PaDayon Pilipino dinhi sa Cagayan de Oro, saysay ni Amplayo, gipangulohan ni Cong. Lordan Suan, kinsa maoy nangusog ug mihashas og maayo sa entero grupo, kauban ang mga kandidatu pagka konsehal sa Unang Distrito – Imee Moreno, Joey Abbu, Aga Suan, Wayne Militante, Edwin Micabani, Cyril Casino, Rossana Calingin, ug Ina Pizarro; samtang sa Ikaduhang Distrito – Yvy Emano, Ian Achas, Jasmine Borja, Jesus Jardin, Marycris Mulat, Olandesca Ramonilla, Boboy Sabal, ug Roger Villazorda.