29.5 C
Manila
Friday, March 29, 2024

Kanhi Barangay Tanod Gipusil-Patay Sa Tawong Nag Motorisklo

- Advertisement -

Cebu City – Gipahigayon na sa kapolisan sa Pardo, dakbayan sa Sugbo ang hot pursuit operation batok sa suspetsado sa pagpusil-patay sa usa ka kanhi tanod sa brgy. Inayawan sa miaging hapon.

Ang 50 anyos nga si Jimmy Tabura giluthang sa wala mailhing mamumuno sa Upper Inayawan nianang ala una pasado sa hapon.

Ang samarong si Tabura gihatod dayon sa CCMC o Cebu City Medical Center apan wa na mabuhi sa pinusilan sa iyang nawong.

Nakita sa pasiunang imbestigasyon nga didto si Tabura sa Upper Inayawan kay nag-sideline pagmaneho og habal-habal ug duna untay paliton sa usa ka tindahan dihang ang tawo nga nagsul-obog blue nga jacket, naghelmet ug nag-bonnet miduol ug mipusil kaniya.

Nakadagan pa si Tabura palayo sa responsable nga misuway pagpusil pag-usab kaniya apan giingong mikagar ug misibat sakay sa motorsiklo.

Ang 29 anyos nga anak-lalaki ni Tabura daling mitabang ug mihatod sa iyang amahan ngadto sa hospital.

Si  Major Jose Angelo Acupinpin, hepe sa presinto sa Pardo, miingon nga mihimo na silag hot pursuit operation batok sa mga responsable.

Gitug-an usab ni Acupinpin nga miduol sa ilang buhatan ang usa ka Judy Ationg aron paglimpyo sa iyang ngan human itumbok nga suspetsado sa krimen.

Nagsugod na ang kapolisan sa dakbayan sa Sugbo pagkuha ug pagtan-aw sa kopya sa video sa security camera nga gimontar duol sa nahitaboan.

Suma pa ni Acupinpin, wa pa nila mailhi ang gunman apan nakahipos na silag kopya sa pipila ka video sa CCTV duol sa nahitaboan sa krimen.

Sa nasayran, ang 50 anyos nga si Tabura, nga usa na ka security guard sa usa ka pawnshop sa siyudad gipusil sa nawong nianang ala una pasado sa hapon sa Upper Inayawan atol nga nag-sideline siya pagpamasahero og habal-habal ug diha untay paliton sa tindahan.

Human sa krimen, daling misibat ang namusil sakay sa motorsiklo samtang si Tabura gihatod sa ospital ug didto na makabsi sa kinabuhi.

Ang 29 anyos nga anak-lalaki ni Tabura mitug-an sa kapolisan nga sa sayo pa, gikalalis sa iyang papa ang usa ka Judy Ationg.

Hinuon, si Ationg miduol na sa presinto sa Pardo aron paghimakak sa pagduda ug paglimpyo sa iyang pangan.

Giinsister ni Ationg nga nagduwa siyag bilyar dihang nahitabo ang pagpamusil.
(Jhon Tadlip/JTY, photo courtesy of Cebu City Police Office)

(Source: Pardo Police Station)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -