Kandidato Sa Opol Maoy Nahimong Miss Kuyamis 2020

Kandidato Sa Opol Maoy Nahimong Miss Kuyamis 2020

by RPN News
48 views

Si Isobel June Teaño sa lungsod sa Opol mao ang nahimong Ms Kuyamis 2020 sa miaging adlaw sa El Salvador Gymnasium sa Misamis Oriental.

Ang maong indigay usa sa naghighlight sa Kuyamis Festival sa probinsya sa Misamis Oriental matag unang Semana sa bulan sa Enero matag tuig.

Si Teaño hugot nga nagpasalamat sa iyang inahan nga nahimo niyang inspirasyon pag-apil sa maong beauty pageant uban kang Provincial Governor Yevgeny Bambi Emano nga naghatag kaniyag higayon pag-apil sa maong kompetisyon . Siya nanaad nga iyang ipadayon ang iyang advocaciya nga mao ang solo parent support.

Ang bag-ong Miss Kuyamis kasamtangang college student sa kursong Tourism Management.

Kon hatagan sa higayon, andam siya morepresent sa probinsya alang sa National Stage. Gawas sa korona, nadag-an usab ni Teaño ang Best in Swimsuit ug Best in Evening Gown Awards.

Ang uban sa mga mananaog mao ning mosunod: Esel Mae Pabillaran sa Lugait-Best in Panel Interview ug Ms Congeniality ug 1st Runner-up; Sheena Mae Balansag sa Talisayan nga mao ang nakakuha sa the Face of Le Rouge award mao ang 2nd Runner-up; Samantha Pauline Feranil sa Gingoog City nga mao ang nakakuha sa Best in Kuyamis Festival attire, Smart Texter’s Choice ug Globe Texter’s Choice Awards mao ang 3rd runner-up si Veronica Yvette Valdez sa Alubijid mao ang 4th Runner-up.

0 comment

Related Posts