Kaligtasan ng mga residente malapit sa Pasig Children’s Hospital tiniyak ni Sotto

Tiniyak ni Pasig City Mayor Vico Sotto ang kaligtasan ng mga residente malapit sa Pasig City Children’s Hospital.

Ito ay matapos na gawing COVID-referral facility ang naturang ospital.

Ayon sa alkalde, naiintindihan nito ang pangamba ng mga residente ngunit kung hindi nila ito gagawin ay mas marami ang mamamatay dahil sa sakit.

Aniya, mas tataas ang kapasidad sa Pasig upang alagaan ang mga coronavirus disease 2019 (COVID-19) patients.

Mas mababawasan din aniya ang cross contamination sa pagitan ng COVID-19 patients at hindi COVID-19 patients.

Sa ngayo, 140 na ang kumpirmadong kaso ng COVID-19 sa Pasig City, 22 naman ang naitalang nasawi habang 28 ang nakarekober.