31.9 C
Manila
Thursday, March 28, 2024

Isyu Sa Pagpatuman Sa Protocol Sa Mangabot Nga OFWs Ug ROFs Tali Sa IATF Ug Sa Kapitolyo Nagpadayon

- Advertisement -




Cebu City – Mipadayag sa ilang suporta ang mga abogado sa Integrated Bar of the Philippines ug ang tulo ka mga senador sa gipatuman sa Sugbo labot sa international arrival protocol sa Overseas Filipino Workers (OFWs) ug Returning Overseas Filipinos (ROFs) ug nanawagan nga sundon kini sa national government.

Sa ilang bahin, ang Cebu Provincial Board, gitakda nga mopahigayon ug special session ugmang adlawa, Biyernes alang sa pagpa tunhay ug pagpalig-on sa Provincial Ordinance 2021-04, nga maoy sandigan sa arrival protocol sa lalawigan.

Si PB Member sa 3rd District, John Ismael Borgonia, kinsa maoy mi author sa ordinansa, nagkanayon nga mitoo siya nga wala maka lapas sa bisan unsang palisiya sa Inter-Agency Task Force.

Iyang gihagit ang national government nga mopasaka ug kaso batok sa Hunta Probinsyal, kaysa mag antus ang mga Sugboanon pinaagi sa pag divert sa mga flights.

Samtang sa IBP-Cebu, sa gi aprobahan nilang resolution niadtong Hunyo 8, 2021, alang nila nga ang palisiya sa Sugbo pag test sa ROFS ug OFWs sa Covid-17, inag abot sa airport, responsive sa need sa mga manguliay nga Filipinos.

Alang sa grupo nga ang palisiya nagsubay sa constitutional mandate paghatag ug “adequate social services and improved quality of life for all as well as the protection and promotion of the right to health and of health consciousness of the people, atol sa pandemya.

Ilang panawagan sa tanang ahensya sa kagamhanan nga i harmonize ang mga policies ug procedures labot sa pagduma sa arrival sa mga ROFs ug OFWS pinaagi sa swab-upon-arrival policy nga gipatuman sa Sugbo.

Samtang si Senador Juan Edgardo Angara, kinsa usa ka abogado, mihulagway sa palisiya nga “practical and makes perfect sense.

Pabor sab sila si Senate Presidente Tito Sotto ug si Sen Revilla sa baruganan sa Sugbo, taliwa sa pabilin nga pagpatuman sa IATF policies.

Usa ka netizen nga mipaambit sa iyang kasinatian nga matod pa usa siya sa last nga inbound nga pasahero gikan sa Doha Qatar padung sa MCIA niadtong Hunyo 7 ug na release pagka petsa Hunyo 9.

Mapasalamaton kini sa gobernador nga matod pa naglantaw sa emotional situation tungod kay dili na siya moabot pa ug 10 ka adlaw nga i quarantine nga matanggong sud sa upat ka suok. (Jhon Tadlip/JTY)

(Source: Cebu Provincial Governor |  IBP-Cebu Chapter, photo courtesy of Naoki)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -