Isang security guard nang-hostage ng doktor sa EAMC

Isang sugatang security guard ang nang-hostage ng isang doktor sa emergency room ng East Avenue Medical Center (EAMC).

Batay sa paunang impormasyon mula sa Quezon City PNP, nagtungo sa E.R. ng EAMC ang suspek na si Hilarion Achondo para ipagamot ang mga sugat na tinamo sa isang motorcycle accident.

Nang makita umanong abala ang doktor sa E.R. na nakilalang si Dr. Russel Carandang ay bigla itong kumuha ng heringgilya at itinutok sa leeg ng doktor.

Nagkataon umano na may mga pulis sa ospital kaya’t nakapasagawa ng negosasyon hanggang sa palayain na ni Achondo ang doktor.

Iniimbestigahan pa rin ng QCPD ang kaso.