Sa pamahayag ni Dindi Jayme, HR sa Santiago Shipping nga bisan kon i-terminate na ang Search and Rescue Operation sa pito pa ka missing nga mga tripolante sa LCT Cebu Great Ocean, padajon gihapon silang motabang sa mga pamilya nga nagpangita kanila.
Gipagawas sa maong kompanya nga sugod pa niadtong Abril 20, 2021, tag hire na nila ang LCT Meiling nga iya sa Royal Dragon Ocean Transport, Inc. para pag-assist sa lugar nga didto nangambak ang mga crews.
Abril 20 hangtud 21 nag hire sila nan duha ka light planes sa Southern Air Flight Services Inc. sanan Blu Bird Aviation Company Inc. nga mihimo sa aerial search sulod sa 10.5hours gikan sa kadagatan sa Tubay, Malimono, San Francisco, Surigao City sanan Dinagat Islands.
Duha ka pumpboat nga Leenard sanan Gerlyn ilang gipakyaw Abril 21 hangtud 23 pag assist sa Search and Rescue, ingon man paghatag nan krudo sa SAR patrols gikan Abril 20 nga gilusad sa Philippine Coast Guard sanan PNP Maritime Group.
Giasistiran isab nila sa medical, food sanan travel sa mga survivors apil na ang pagsubaybay sa ilang kahimtang sama kang John Renzo Guanzon nga nakadawat nan kuwarta para palit medisina sa iyang injuries hangtud nakauli sa Iligan City.
Miasistir isab ang kompanya sa burial sanan transport sa mga nakalas lakip na an paghatag nan benepisyo sa matag pamilya sa mga namatay nga mga tripolante.
Tag asistiran isab para sa housing, pagkaon sanan iban pa an mga paryente o kapamilya sa missing crews nga mikuyog sa Philippine Coast Guard sa ilang pagpatrolya niadtong Abril 28 hangtud 29 ug sa paghalad nan santos na misa ingon man paghulog sa mga bulak agig pag-ampo sa mga nakalas ug missing nga mga tripolante niadtong Abril 30, 2021. (RPN DXKS Surigao exclusive report)
https://fb.watch/5hBnWaLRH_/