Davao Oriental – Malipayon ang daghang mag uuma ug humay sa Cateel Davao Oriental gumikan kay hingpit nang nahuman ang Dose (12) kilometros kun 7.1 milya nga Aragon Dam sa Cateel, Davao Oriental.
Nasayran nga hingpit nga nahuman ang proyekto sulod lamang sa pito (7) ka bulan. Kahinumduman nga niadto pang tuig 2012 gisugdan ang proyekto apan naundang ang trabaho gumikan sa bagyong Pablo ug Agaton.
Nasayran pa nga ang nahiagutan Dam kabahin kini sa Cateel Irrigation Project nga giingong pinakadakong proyekto ilawom sa Mindanao Rural Development Project nga nagkantidad ug 281 milyones pesos.
Tungod sa nahisgutang proyekto, gilauman karon nga makahatag kini ug igong iregasyon sa mokabat 1,600 ektaryang kahumayan sa Onse (11) ka mga Barangay sa Lungsod sa Cateel.
Gawas nga dakong tabang sa mga mag uuma sa humay sa Cateel ang Aragon Dam kundi dako usab kining tabang sa pagpalig on sa Torismo sanglit usa na kini sa mga Tourist Destination sa Davao Oriental.
(Provincial Information Office | OIC Michael Manguhig, RPN DXKT Davao)