Gipasabot sa Acting Chief sa LTO District Office ning dakbayan ang implementation timeline sa bag-ong proseso pagkuha ug Student Permit (SP) ug Driver’s License (DL).
Kini human nga ang mga personnel sa operasyon ug sa Regional office nagtambong ug seminar didto sa Davao City.
Sumala ni Mr. Danielo Merson Borja nga niadtong bulan sa Enero ning tuiga, mao na ang briefing ug training sa LTO Regional Accreditation Committees (RAC) alang sa proseso sa accreditation.
Samtang karong bulan sa Pebrero, mao ang functional testing diin ang Pebrero 10 mao ang pagsugod sa accreditation sa driving school ug instructor registration. Kini usab ang training sa driving schools ug instructors sa A.C.E.S front-end system use.
Sa umaabot nga bulan sa Marso, mao na ang dry-run sa selected LTO sites ug regions, ug system deployment in batches, per region.
Ug sa Abril 2020, mao na ang Nationwide Full Implementation alang sa pagsugod sa LTO pagrequire ug electronic submission sa Driving School Training Certificates prior sa issuance sa SP ug DL.
Giklaro ni Mr. Borja, nga kung ang gikuhan sa certificate nga accredited Driving School dili online bisan pa man kung ang aplikante aduna’y dala nga certificate, ang dili gihapon balido ug dili madawat. (Jun Prex Salubre, Ronda 6 RPN DXKS)