Radio Philippines Network
DXKO CDO News Provincial News

Immunization Simulation Sa JRBGH, Malampuson

Malampusong gipahigayon ang COVID-19 vaccination simulation Pebrero 16 sa J.R. Borja General Hospital (JRBGH) alang sa mga healthcare/frontline workers nga maoy nag-unang prayoridad basi sa Department of Health prioritization schedule.

Sumala ni Acting City Health Officer Dr. Lorraine J. Nery nga ang maong hospital-based vaccination simulation kabahin sa planning and preparation stage sa kagamhanang lokal sa umaabot vaccination rollout sa dakbayan aron makita ang posibleng mga kakulian o hagit sa actual immunization.

Subay sa vaccination simulation sa JRBGH, adunay 6 steps nga agian ang mga magpabakuna diin nakabasi usab kini sa giya sa DOH.

Step 1. Registration area- profiling ug data validation sa mga kliyente.

Step 2. Counselling area – orientation sa mga benepisyo ug epekto sa COVID19 vaccine ug pagpirma sa final consent form.

Step 3. Assessment area – screening sa medical conditions sa mga kliyente.

Step 4. Vaccination area – aktuwal nga COVID19 immunization.

Step 5. Observation area – kinahanglan magpabilin ang kliyente sulod sa 30 minutos hangtud usa ka oras alang sa monitoring ug evaluation human gibakunahan.

Step 6. Complaint desk – mahimong magpadayag ang kliyente og reklamo mahitungod sa vaccination.

Matod ni Dr. Nery, ang simulation activity makahatag og ideya sa vaccination operation center kung unsaon nga mapalambo pa ang sistema sa actual immunization. (City Information Office)

Related posts

Missing Lola

RPN

Baguio Finances Still In Good Standing

RPN

Kagamhanang Probinsial Mapasalamaton Sa Mga Barangay Sa Paningkamot Kontra COVID-19

RPN