Ikaduhang sunog sa Dakbayan sa Mandaue miugdaw ug mokabat 150 ka mga panimalay

Ikaduhang sunog sa Dakbayan sa Mandaue miugdaw ug mokabat 150 ka mga panimalay

by RPN News
44 views

Cebu City- Mikabat og 150 ka balay ang gikaon sa kayo sa sunog nga miulbo sa brgy. Tabok, dakbayan sa Mandaue gahapon sa hapon.

Si SFO2 Edgar Vergara miingon nga naglisod sila pagpaduol sa nasunogan tungod sa kahagip-ot sa agianan.

Matod ni Vergara, ang gibuhat sa ilang mga kauban mao na lang ang pagsumpay-sumpay sa hose.

Midugang si Vergara nga pag-abot nila sa lugar, nabara na usab sila sa mga nasunogan nga nanghakot sa ilang mga butang nga gisalbar sa trahedya.

Ang sunog sa Tabok ang ikaduhang alarma nga gitubag sa kabomberohan sa Mandaue diin ang una sa brgy. Centro nga mikalas og tulo ka kinabuhi.

Napalgan ang paig nga lawas sa kanhi huwes ug asawa apan missing pa ang  ilang 21 anyos nga apo.

Nadawat sa kabomberohan ang alarma sa Tabok ala una sa hapon ug giisa sa task force alpha nianang ala 1:44 sa hapon ug napawong alas 4:06 na.

Gibanabana sa kabomberohan ang danyos sa maong sunog ngadto sa P450 mil.

Si SFO2 Vergara miingon nga ang sunog sa Tabok posibleng nanukad sa ikaduhang andana sa bay ni Grace Balaba ug hayan naggumikan kini sa faulty electrical wiring

0 comment

Related Posts