Imbunungen ti City Government of Batac Ilocos Norte babaen ken ni City Mayor Albert D. Chua dagiti Hybrid Palay Seeds para kadagiti mannalon iti daytoy maikadua a bansada ti panagtalon wenno 2nd cropping.
Kuna ni Mr. Mark Allan Abad OIC City Agriculturist nga adda da dagiti paset ti pagtatalonan ti batac para ti 2nd cropping kas koma ti Brgy. Baligat, Baay, Camgidan, Camandingan, agsipud ta dagitoy a lugar ket addaan iti irrigasion ken danao kasta met a nalungog isu a mabalin a raepan para 2nd cropping.
Innayon met ni Mayor Albert Chua a kalikagum ti administrasion na ti nalabon nga apit isu a nangipaay da ti libre a palay seeds babaen ti panagbinnulig ti Department of Agriculture ken ti Gobierno ti suidad ti Batac.(OIC Rodrigo Sadian, RPN DZRL Batac)
(Source: LGU Batac City)