Cebu City- Nagtinguha ang grupo sa mga general manager sa mga hotel, resort ug restaurant sa Sugbo pagpasaka og sumbong batok sa mga netizens nga nagpakatap sa pasangil nga ang ilang mga establisimento dili luwas nga sak-an tungod sa coronavirus disease kun Covid 19.
Sa giluwatan nilang statement sa milabayng adlaw, ang Hotel, Resort & Restaurant Association of Cebu kun HRRAC mihimakak sa maong pasangil.
Ilang giinsister nga dili tinuod nga ang uban nilang establisimento dinhi sa Sugbo kuyaw nang puy-an tungod sa presensiya sa mga Koreano nga gikan sa Daegu City, South Korea tungod kay ang naasoyng mga langyaw wala pa man hitapti sa Covid 19, segun sa DOH.
Ang gipasabot sa HRRAC mao kadtong gipublikar sa Facebook user nga nagpakita sa dokumento bahin sa 26 ka Koreano nga ming-abot sa Sugbo gikan sa Daegu niadtong Pebrero 25.
Sa iyang si Health Assistant Secretary Maria Rosario Vergeire, miingon nga wala na makaabot og napu ang mga Koreano nga nagpabilin sa Sugbo kay kadaghanan nakapauli na sa ilang nasod.
Ang HRACC, nga gisakpan sa kapin sa usa ka gatos ka kompaniya nga nanag-iya ug nagpadagan og mga hotel, resort ug restaurant sa Cebu, miingon nga nagplano sila pagkeha sa nagpublikar o nag-post sa social media sa akusasyon.