Hotel na ginamit bilang prostitution den sa Makati ipinasara na

Ipinasara ng Makati City Government ang Maxx Hotel na natuklasang ginagamit bilang prostitution den sa Makati Avenue.

Sa ikinasang operasyon ng Makati City Police sa naturang hotel, nailigtas ang nasa 35 sex workers na karamihan ay mga babaeng Chinese national habang naaresto naman ang 21 Chinese na kalalakihan.

Agad namang isinilbi ni Makati Mayor Abby Binay ang closure order ng Business Permits and Licensing ng Maxx Hotel.

Samantala, malinaw na lumalabag ang naturang hotel sa Republic Act 10364 o Expanded Anti-Trafficking in Persons Act of 2012.