HOSTAGE TAKER PATAY HUMAN MIDUMILI PAG-SURRENDER SA POLICE

HOSTAGE TAKER PATAY HUMAN MIDUMILI PAG-SURRENDER SA POLICE

by RPN News
86 views

Patay ang usa ka lalaki nga nanghostage sa usa ka 13 anyos nga bata nga usa sa mga pasaherong pa-Manila sakay sa Surigao Transport Bus. Kini nahitabo alas 2 sa hapon, Nobyembre 29, 2019 sa Maharlika highway, 500 meters sa dili pa ang Lipata Ferry Terminal sa Lipata, Surigao City.

Nailhan ang napatay nga hostage taker nga si Michael Belarma Puertogallera, 40 anyos, taga Banlag, Valencia City, Bukidnon.

Miabot sa tulo ka oras ang negosasyon sa kapulisan sa Surigao City nga gipangulohan ni Lt. Col. Christian Rafols II. Kini human nagdumili ang suspect nga buhian ang bata.

Matud ni Rafols sa interview sa RPN DXKS kaina nga nasubo siya nga nakutluan sa kinabuhi ang hostage taker. Alas 11 sa buntag pa nag negotiate ang kapulisan aron mosurrender kini apan naabtan na’g alas 2 sa hapon, iya namang gustong lubaon ang bata gamit ang flat screw driver mao nga wala nay laing option ang PNP aron masalbar ang kinabuhi sa bata, napusil nila ang suspect.

Sa wala pa dasmaga sa kapulisan ang suspect, namatikdan na nila nga may deperensiya ang hostage taker kay bisan unsaon niini pag-istorya, magka usab usab ang iyang demand.

Nangayo siya’g pusil mao nga gihatagan kini pero gikuhaan sa firing pin. Nakabantay ang hostage taker nga giilad siya ug wala na kini mopatuo bisan duha na ka armas (cal .45 ug 9mm) ang gitunol sa kapulisan aron gayud matagbaw kini sa iyang demand. Didto midesisyon ang PNP nga dasmagon nila ang hostage taker pinaagi sa paglipat. Mihana ug hansak sa screw driver ang suspect ngadto sa dughan sa bata mao nga gidasmag na nila dayon.

Ang bata nga 10 anyos nasalbar ang kinabuhi ug walay tatsa, gipailawom sa psychological debriefing.

Sumala sa lola niini nga si Francisca Galinzoga, 64 anyos nga taga Purok 3 Osmeña, Libjo, Dinagat Islands nga paingon sila sa Manila aron moadto sa iyang inahan kuyog ang iyang apo nga 10 anyos. Sa wala pa mosakay sa ferry ang bus, miparking kini sa lugsongon sa Purok 1 Lipata, 500 metros ang kalayoon gikan sa ferry terminal. Human naniudto ang mga pasahero, misakay sila’g balik sa bus ug samtang sila naglingkod na, kalit nagkagubot ug may misinggit nga babaye nga naog mo kay may nandunggab.

Naglumba panggawas ang mga pasahero apan nahawiran sa suspect ang bata, iya kining gigakos ug naglingkod sa 4th to the last seat sa bus. Didto na nahitabo nga gitionan niya sa screwdriver ang bata.

Usa pod ka membro sa PNP ang nasamdan sa dihang gidasmag nila ang suspect. Kini mao si Police Staff Sergeant Andit.

Ang SOCO nga gipangulohan ni Police Maj. Sedoro nakarecover sa flat screw driver nga “eagles” ang brand, duha ka basiyo sa bala ug duha ka bala nga napabuto nga deformed ang usa. Sa personal nga gamit sa hostage taker nakita nila ang white samsung keypad cellphone, mga papel ug ID ingon man kuwarta nga 1,922 pesos. Duha ka samad pinusilan ang miigo sa iyang dughan ug milagbas sa likod.

Ang patay’ng lawas sa hostage taker gidala sa Nilo Funeral Services.

HOSTAGE TAKER PATAY HUMAN MIDUMILI PAG-SURRENDER SA POLICEHOSTAGE TAKER PATAY HUMAN MIDUMILI PAG-SURRENDER SA POLICEHOSTAGE TAKER PATAY HUMAN MIDUMILI PAG-SURRENDER SA POLICE

Mayor Ernesto Estong Matugas Jr. received the report from the City PNP led by Police Lt. Col. Christian Rafols II for a successful rescue of the 13 years old boy held hostage inside Surigao Transport Corporation Bus while parked in the highway 500 meters before the Lipata Ferry Terminal, Lipata, Surigao City.

The City Mayor was at the incident area in an undisclosed location. Upon successful execution of the plan, Rafols reported immediately to him.

The hostage taker who was killed identified as Michael Belarma Puertogallera, 40 years old resident of Bantal, Banlag, Valencia, Bukidnon.

HOSTAGE TAKER PATAY HUMAN MIDUMILI PAG-SURRENDER SA POLICEHOSTAGE TAKER PATAY HUMAN MIDUMILI PAG-SURRENDER SA POLICE
0 comment

Related Posts