28.9 C
Manila
Friday, March 29, 2024

Hinabang Sa SAP Nga Gipang Uli ,Mi Abot Ug 1 Million

- Advertisement -

Cebu City– Miabot og usa ka milyon ka pesos ang wala dawata ug gipang-uli nga hinabang ubos sa SAP o social amelioration program sa dakbayan sa Lapulapu.

Subay niini, si Annabeth Cuizon, pangu sa CSWDO o City Social Welfare & Development Office, mipahibawo nga ilang ihatag ang maong kantidad ngadto sa mga benepisyaryo nga nawani o wala maapil sa mga nahatagan.

Gipasabot ni Cuizon nga ang ilang hatagan mao kadtong nakapil-ap og porma sa SAP apan wala mahatagi sa tag 6 mil pesos kay maoy gipalabi ang mas angayan pang hatagan.

Matod ni Cuizon, adto ra sila magpili sa mga nakapil-ap ug dili na sila mangitag lain nga wala makapil-ap kay wa na man silay form.

Iyang gitug-an nga nagsugod sila gahapon sa pag-apod-apod sa cash aid sa SAP ngadto sa ilang gitawag og left out beneficiaries.

Una niini, gihangyo ni Mayor Junard Chan ang mga taga Lapulapu nga nalista isip benepisyaryo sa SAP bisag dili kalipikado, kay nakadawat na sa ubang hinabang sa gobyerno, pag-uli sa nadawat nilang tag-6 mil pesos nga cash aid.

Matod ni Chan, buot niya nga matunol ang kuwarta ngadto sa mas angayang hatagan ug mas nagkinahanglan.

Nunot sa hangyo ni Chan, mikabat og 180 ka benepisyaryo ang miduol sa city hall aron pag-uli sa nadawat nilang cash.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -