Dako ang kahigayonan nga mabutang na ubos sa GCQ o general community quarantine ang dakbayan sa Sugbo karong Agosto 1.
Mao kini nalantaw ni Environment Secretary Roy Cimatu, ang giillang overseer sa Cebu IATF o Inter-Agency Task Force for the Management of Emerging Infectious Diseases.
Sumala pa ni Cimatu, ubos sa mas luag nga estado sa kwarantina, dugang balay-patigayon ang mangabli ug dugang trabahante ang mamalik sa duty.
Segun sa advisory sa PIA o Public Information Agency nga mi-quote sa gisulti ni Cimatu, gihatagan niyag credit ang subsob nga contact tracing nga gipatuman sa siyudad alang sa posibleng pagtakli sa GCQ gikan sa MECQ.
Nagkanayon si Cimatu nga nagkalambo ang pakiggubat sa siyudad sa virus tungod sa paspas nga contact tracing ug naglaom siya nga modailos pa ang mga kaso sa mosunod nga mga adlaw.
Gipasupot sa environment secretary ang iyang report atol sa miting uban sa mga sakop sa local business community,
Gisultihan ni Cimatu ang mga negosyante nga gipatuman sa gobyerno ang tanang pamaagi pagtubag sa problema sa panglawas sa dakbayan nga nakadaot na sa ekonomiya. I via Jhon Tadlip/JTY