Malampusong nahatud sa grupong hilig mosaka sa bukid ang mga hinabang ngadto sa mga lumad sa
Purok 1, Sitio Madanlog, Brgy. Jubgan, San Francisco, Surigao del Norte.
Nagpasalamat si Kapitan Harry Amalla, ang Punong Barangay sa Brgy. Jubgan, San Francisco, Surigao del Norte ngadto sa SURIGAO MOUNTAINEERS SODALITY, INC. (SurMountS) nga nahimo usab nga benepisyaryo ang ilang IP Community sa Wave 4 nga food packs distribution sa maong organisasyon pinaagi na sa Task Force KATKAT kun “Kalisod Atong Tag-agihan, Kabos Atong Tabangan” uban sa koordinasyon ni MR. LYNDON CUBILLAN.
Sumala niini, nga anaa sa 31 ka pamilya o 86 ka indibidwal ang namuyo sa maong komunidad ubos sa pagpanguna ni DATU DOMINADOR RABUYA diin sa pakighinabi kang Kapitan Amalla niadtong Domingo, Mayo 31 bag-o lang natabangan sa rektor sa Romano Katoliko ang maong mga IPs adisir masinati ang Modified General Community Quarantine (MGCQ) sa probinsya.
Dako usab ang iyang pasalamat nga wala napasagdan ang ilang IP Community sa maong sitio nga nakaabot didto ang SurMountS dala ang ayuda. Ang panginabuhian sa maong komunidad ning panahon sa CoViD-19 pandemic an apektado ilabina nga nagsalig lamang sila sa panguma. (Jun Prex Salubre, Ronda 6 RPN DXKS)
