34.7 C
Manila
Thursday, March 28, 2024

Grupo Ni Mayor Moreno Mobiyahe Sa Amerika: Balaba Ug Abaday Maoy Mga Caretakers Sa CDO

- Advertisement -

Ang bag-ong napili nga konsehal sa Cagayan de Oro nga si Joylene Mercedes “Girlie” Balaba mao karon ang naglingkod isip mayor samtang si Konsehal Roger Abaday mao ang bise-mayor hangtud sa sunod bulan.

Ang duha ka opisyal maoy ginganlan nga mga caretakers sa City Hall tungod kay si Mayor Oscar Moreno ug Vice Mayor Rainer Joaquin Uy mobiyahe paingon sa New York aron sa pagtambong sa 17th Kagay-anon International Tapok nga gipasiugdahan sa Cagayan de Oro City, Misamis Oriental Association of New York Inc. Ang panagtapok himuon sa Sheraton La Guardia East Hotel.

Uban sa panon ni Moreno ug Uy mao sila si City Administrator Teodoro Sabuga-a Jr, city budget officer Percy Salazar ug mga konsehal nga sila Teodulfo Lao Jr. Enrico Salcedo, Zaldy Ocon, Suzette Magtajas-Daba, Jay Pascual, Ma. Lourdes Gaane ug Edna Dahino. Matud pa ni Sabugaa, ang maong kalihokan pormal nga mobukas ugmang adlawa.

Gidugang pa niya pagpasugilon nga gusto lang nga personal gayod nga magpasalamat si Mayor Moreno sa grupo sa pagdonar balor sa tunga sa milyon ka pesos alang sa pagpatukod sa Day Care Center sa Sitio Singapore, Barangay Balulang. Buot usab sa cityhall officials nga mopresentar sa development plans niini alang sa syudad ug ang pagpromote sa local tourism.

Ang panon gitakda nga mahibalik sa syudad sa Agosto 6.

Nasayran nga suspendido una ang session sa City Council sa Hulyo 29 ug Agosto 5 tungod kay mayoriya man sa mga sakop sa konseho ang mouban sa maong byahe.

- Advertisement -
- Advertisement -

Related Articles

- Advertisement -
- Advertisement -

Latest Articles

- Advertisement -