SALUG, ZN– Bisan pa sa nag lagiting ang sinag sa kaudtohon, gihugupan gihapon sa mga katawhan aron masaksihan ang usa ka seremonyas (groundbreaking ceremony) sa usa ka state-of-the-art, 2-storey building nga nagkantidad og P10 milyones bag-ohay pa lamang, didto sa Brgy. Poblacion sa maong lungsod.
Human sa seremonyas, gisunod gilayon ang hamubong programa diin mipabati si Mayor Melodie Tolin sa iyang dakong kalipay nga gidungog sa kahitas-an ang iyang mga damgo ug plano alang sa ilang lungsod tungod kay sa dugay nga panahon uhaw kini sa mga proyekto nga magamit alang sa mga katawhan. Busa iyang gipasalig sa mga Salugnon nga iyang buhaton ang tanan.
“We pledge infront of a judge nga mo buhat kita to the best of our abilities, so mao nga we will give it back to the people of Salug kay inyo akong gihimong mayor, so isip pasalamat ako gyud paninguhaon kon unsay inyong kalipay, kaayohan, betterment of the people of Salug, ug atong ihatag og balik kaninyo”, pasabot pa sa mayor diha sa iyang pambungad nga mensahe.
Sa pakighinabi sa mayor, iyang gisaysay nga ang maong 2-storey multi-purpose building dinhi mahimutang ang mga opisina sa Senior Citizen, Person with Disability (PWD), Nutrition, Municipal Anti-Drug Abuse Center (MADAC) ug uban pa.
Sa kabahin ni Madam Evelyn T. Uy, isip pinasindunggan dinapit nga siya usab nalipay sa gibuhat sa mayor tungod kay aduna kini tumong aron mo asenso ang lungsod sa Salug.
“Miari gyud mi diri tungod kay akong personal nga ipabati sa inyong mayor sa iyang maayong binuhatan dinhi sa inyong lungsod nga makita nato nga sa iyang administrasyon, nag hinay-hinay na ug ka asenso”, matud pa ni Mdm. Belen Uy.
Iya usab nga gilakbit-saysay nga si “Mayor Tolin maoy usa ka ehemplo nga usa ka babaye nga bisan pa kon ka pila sya mapakyas sa iyang tinguha, dili gyud sya mohunong kon dili makab-ot ang iyang kalampusan basta maayo ang atong tuyo alang sa kadaghanan ug nahasubay sa mga lagda sa Kahitas-an”.
Gipasabot usab ni Uy, kon unsa ka mahinungdanon ang Enhanced Gasang Bahandianon sa Umahan (eGBU), ang ‘pet project’ ni Gob berto Uy diin karon, dako kaayo og gikatabang sa mga mag-uuma alang sa ilang kapanginabuhian.
Mipadangat usab sa iyang pahalipay si Vice Gov. Senen Angeles sa iyang iyang nakita sa paspas nga paglambo sa Salug.
Ang maong Multi-Purpose Bldg. pagatukoron diha mismo sa luna sa Government Complex diin nahimutang ang mga buhatan sa mga national/local agencies sama sa Bureau of Fire (BFP), ZANECO Sub-Office, Early Childhood Care and Development (ECCD), Balay Dalangpan, Art and Musical, ug uban pang mga opisina nga planong pagatukuron.
Ang maong aktibidades gitambongan usab nila ani BM Julius Napigquit; BM Venus Uy; Mr. Adrian Amatong; Vice Mayor William Maribojoc; Mr. Jeffrey Dadan; mga personahe gikan sa PNP, BFP, BJMP, SB members ug mga kapitanes. (PIC-Lady Mae)