Graduation Subsidy Sa Mga Studyante Sa Public Schools, Ipatuman -Dep-Ed SDS Flores

Dapat ipatuman sa tanang public schools sa syudad sa Gensan ang paghatag ug gtaduation fee kon subsidy gikan sa gobyerno or dep-ed para sa tanang mga graduating students aron dili mabug – atan ang mga ginikanan ug mga estudyante niining panahona. Kini ang gibutyag ni Schools Division Superintendent Romelito Flores atol sa tagboan prescon sa LGU kagahapong adlawa nga siya isa sa mga nahimong guest. Matud pa niini nga gawas sa patakaran nga libreng edukasyon sa elementary ug highschool nga nakalatid sa batakang balaud kon free public basic education program, angayan usab masayran sa mga estudyante ug ginikanan nga adunay budget gikan sa MOOE nga maghatag ug subsidy sa mga graduating students ilabina sa mga senior highschool kon Kto12 program. Kasagaran matud pa wala na kini gipahibalo sa mga school heads or mga principal ngadto sa mga ginikanan hinungdan nga kanunayng angal ug isyu ang dakong bayranan para sa graduation sa mga bata para sa venue, pagkaon ug uban pang galastuhan. Pero dili matud pa mahitabo karon ang maong sitwasyon kay gipa submit na matud pa ug WPP kon work and financial plan ang mga school heads apil na ang graduation activities. Samtang stiktuhan ni Flores ang sobrang paningil sa matag public school sa PTA fees kon parents teachers association nga mga amutan. Angayang gamiton ug ideklara ang budget sa MOOE sa matag skwelahan aron maklaro sa mga ginikanan. Samtang dugang gipklaro ni Flores nga inig graduation rites dapat madawat sa mga estudyante ang tinuod nga kopya sa diploma, good moral character ug uban pang dokumento nga sagad maoy rason sa pangwarta sa mga skwelahan. Tumong sa liderato sa Dep-ed Gensan aron malimpyo sa bisan unsang isyu sa korapsiyon ang matag pampublikong tunghaan sa Gensan. Samtang andam na ang tanan alang sa hosting sa SRAA meet 2020 karong Marso 2-6 kon diin adunay 7500 delegates gikan sa tibuok rehiyon dose ang magtapok diri sa Gensan alang sa paindigay sa paugnat sa kusog kon sports. Plastada na usab ang seguridad ug mga billeting centers para sa mga atleta ug sports officials . ( Ronel Degorio)