28.6 C
Manila
Friday, March 29, 2024

Governor Solon Nagpagawas Og Executive Order No. 27 Nga Nagpatuman Og Enhanced Guidelines Sa Sarangani Province Aron Kapugngan Ang Local Transmission Sa Covid-19

- Advertisement -

Nagpagawas og Executive Order No. 27 si Governor Steve Chiongbian Solon mapahugtan pa ang gipatuman nga mga patakaran aron dili unta mahitabo ang local transmission sa Coronavirus sa Sarangani Province.

Wala pa may deklarasyon ang Department of Health sa gikabalita nga community transmission sa pipila ka lugar sulod sa Rehiyon Dose, apan aduna nay mga nag-positibo tungod na-expose sila sa mga kumpirmadong may kaso sa COVID-19, samtang ginasuta pa sa uban kung asa sila natakdan gumikan wala man kini travel history ug anaa lang sa ilang panimalay.

Sa panagtigum bag-uhay lang nila Governor Solon ug Vice Governor Elmer De Peralta kauban sila Malungon Mayor Tessa Constantino, Glan Mayor Vivien Yap, Malapatan Mayor Jun Sumbo, Alabel Mayor Nonoy Salarda, Maasim Mayor Zyrex Pacquiao, Maitum Mayor Bryan Reganit ug Kiamba Mayor Bogi Martinez, inubanan nila Board Member Joseph Calanao, Board Member George Falgui ug Board Member Irish Arnado, sa pagsuporta nila Senador Manny ug Congressman Ruel Pacquiao, nagkahiusa ang mga opisyales sa probinsya sa Sarangani, sa tabang sa mga barangay council, purok officials ug law enforcement agencies, nga palig-unon pa ang border control.

Kadtong essential travel – importante ug emerhensyang lakaw – lang usa ang gitugutan nga makasulod-gawas sa Sarangani. Gani, nagpatuman usab og border lockdown ang dakbayan sa Heneral Santos. Segun ni Governor Solon, nagka-isturya sila ni Gensan Mayor Ronnel Rivera nga ayudahan ang contact tracing sa mga adunay contact sa mga nag-positibo sa Gensan.

Ang mga gikan sa lugar nga taas ang local transmission, sama sa Metro Manila, Cebu ug Davao ang makasulod kini sa Sarangani kung may dala nga negatibong resulta sa ilang swab test sulod sa setentay dos (72) oras una ang pagsulod.

Limitado usa ang paglihok sa tao. Ang curfew tibuok Sarangani Province ang magsugod alas nuybe sa gabii (9pm) ug matapos alas kwatro sa kadlawon (4 AM). Tugutan sa curfew hours nga makaagi sa checkpoint ang mga essential worker.

Highlight usab sa maong EO No. 27 ang pagmugna og dili muubos walo (8) kabuok contact tracing team sa matag munisipyo aron masiguro ang mga personahe nga paspas magtutok sa pag-trace sa mga direct contact.

Apil sa gihisgutan sa Executive Order No. 7 ni Governor Solon ang pagpailalum sa quarantine ug swab testing sa mga POI kon person of interest, kadtong mga indibidwal lakip na mga medical frontliner nga gikan sa mga lugar nga critical zone o may gikataho nga transmission gikan Agosto 12, sama sa Polomolok, South Cotabato ug sa pribadong hospital niini nga Howard Hubbard Memorial Hospital.

Sa direktiba ngadto ni PNP Sarangani Provincial Director Col. Michael Lebanan, obligado na ang pagsuot og face shield sa entiro probinsya sa Sarangani sa mga pampublikong sakyanan, pampublikong lugar ug mga opisina, gawas sa face mask. May multa ang dili makasul-ob og face mask alayon sa kamanduan sa DILG.

Nagpabilin nga gi-implementa ang singkwenta porsyento (50%) nga passenger capacity sa transportasyon aron masunod ang physical distancing. Gidasig nga mubutang og plastic-cellophane barrier sa mga sakyanan panagana sa gikaingon nga pwede sa hangin o airborne transmission makuha ang Coronavirus.
(Sarangani Province Public Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -