Cebu City – Nagtinguha si Gob. Gwendolyn Garcia pagbalhin sa mga opisina sa kagamhanan probinsiyal sa lungsod sa Balamban Cebu gikan sa Cebu City.
Gisugyot ni Garcia ang pagpalit sa luna alang sa proposed government center sa kantidad nga ₱ 500 milyon.
Alan niya, ang maong dapit ang labing strategic ug accessible sa mga LGUs sa amihanan ug habagatan.
Suma pa ni Garcia, dugay nang nahunahunaan ang maong lakang sa nanglabayng pamunoan lakip na kang kanhi Gob. Lito Osmeña.
Ang maong lakang makahatag og kaayohan sa mga tawo sa probinsiya nga nangandoy ng mahaduol kanila ang provincial government center.
Sa nasayran, ang Kapitolyo nahimutang sa dakbayan sa Sugbo nga usa ka highly urbanized chartered LGU nga walay labot sa political jurisdiction sa kagamhanang probinsiyal.
Nagsilbi na kining trono sa mga gobernador sa Sugbo sukad matukod niadtong 1938 ug sukad niadto, nahimulag na ang City of Cebu nga nakabaton og karta pagka 1937 pa.
Tungod niini, matod ni Garcia, makataronganon lang nga ibalhin sa lungsod nga ubos sa hurisdiksyon niini ang panggobyerno sa lalawigan.
(Jhon Tadlip/JTY, photo courtesy of Gov. Gwen Garcia Facebook account)
(Source: Cebu Provincial Government)