Niining gipailawom sa Modified Enhance Community Quarantine (MECQ) ang syudad sa Cagayan de Oro kung asa limitado ang lihok sa tawo og limitado sab ang biyahe sa pampublikong salakyan, gimando ni Governor Bambi Emano nga gamiton ang mga Newly Issued Vehicle ngadto sa nagkalain-laing buhatan.
Kini aron maoy gamiton sa mga empleyado sa Kapitolyo Probinsyal nga masakyan nila padulong sa pagtrabaho ug pag-uli sa ilang panimalay.
“Governor has ordered for the utilization of the newly issued vehicles sa mga offices nga maoy gamiton sa mga empleyado nato nga masakyan nila.” Matod ni Provincial IATF Spokesperson Atty. Jeffrey Saclot.
Dugang niini nga niining panahona makita sa mga empleyado ang kabililhon sa maong mga salakyan ug ang pagpangtunol niini haom kaayo karon sa sitwasyon nga giatubang sa siyudad hilabina nga dugay na kining giproseso ug giplano sa panggamhanan sa lalawigan aron mapaabot sa bisan asang souk sa lalawigan ang batakang serbisyo alang sa katawhan.
“The employees can now fully appreciate the value of the vehicles acquired by the Provincial Government because this can help ferry the employees and thus assure the continued service for the people of Misamis Oriental.” Dugang pa ni Atty. Saclot.
Ang tiunay nga pag-alagad sa katawhan maoy sentro sa iyang administrasyon ni Governor Bambi kon diin sa iyang liderato sab iyang gilantaw ug gitinguha nga mahatagan og kaharuhay sa kinabuhi ang matag Misamisnon tungod kay nakapunting na sa iyang huna-huna nga ang gobyerno maoy sandiganan sa katawhan. (Reymark Carreon Semaña, PIO)
(Source: Misamis Oriental Provincial Information Office Facebook page)