Davao Oriental: Nanawagan si Davao Oriental Governor Nelson Dayanghirang sa mga anaa pa sulod sa kalihukan sa New People’s Army nga mu-tahan na sa gobyerno ug pilion na ang kinabuhing malinawon.
Atol ang maong panawagan sa pagpahigayon sa Oplan Maragatas niadtong milabay nga simana diin gi-eksplikar ni Governor Dayanghirang ang mga benepisyo nga madawat sa usa ka NPA kung siya musurender.
Dugang pa ni Gov. Dayanghirang nga ang gobyerno naningkamot gayud ug pag-implementar sa mga nagakadaiyang mga programa ug proyekto nga makapa-usbaw sa panginabuhi sa mga katawhan hilabina sa mga hilit nga dapit – hinugndan nga ang tanan angayan nga mag-uyon.
Matud pa ni Gov. Dayanghirang, “WALAY LUGAR NGA MAMAHIMONG MALAMBUON KUNG ANAA MAGPABILIN ANG KAGUBOT”.
Mao nga higayon na nga pahimuslan sa tanang katawhan, hilabina sa katong nalambigit pa sa walhong grupo, ang mga benepisyo nga ginahatag sa gobyerno alang sa kalinaw ug kalambuan.
(Provincial Info Office)