Cebu City – Gipahibawo ni Gob. Gwen Garcia nga aduna pay laing mga piniling opisyal sa kalungsoran nga nalambigit sa sugal sa manok lakip sa usa ka mayor sa usa ka lungsod.
Gipasupot kini ni Garcia nunot sa ronda sa mga polis sa tigbakay sa Daanbantayan diin ilang giila ang pito ka piniling opisyal nga lakip sa nalambigit.
Atol sa press conference, si Garcia miingon nga miabot kaniya ang balita bahin sa illegal cockfighting diin apil sa namusta ang tag-as nga mga opisyal sa lungsod.
Sumala pa sa gobernador, ang tigbakay nga giapilan sa nahisgotang mga opisyal dili komon nga talan-awon sa kabaryohan diin daghang lumulupyo ang manaya.
Matod ni Garcia, ang illegal cockfighting activities nga gipasiugdahan sa nahisgotang mga opisyal mao ang gitawag niya og “posher” nga sagad himoon sa pribadong mga panimalay o compound aron dili makabantay ang mga awtoridad.
Subay niini, gipasidan-an ni Garcia ang giingong mga opisyal nga moundang na kay kon dili, iya kining ipadakop sa walay pag-isip kon iya bang kaalyado o dili sa politika.
Sa sayo pa, gihinganlan sa PRO 7 ang upat ka konsehal sa lungsod ug tulo ka kapitan nga giapil nila pagkeha tungod sa kalambigitan sa tigbakay bisag wala madakpi. I via Jhon Tadlip/JTY
(Source: Cebu Provincial Government)