28.6 C
Manila
Friday, March 29, 2024

Gobernador Francisco Matugas Naghuyat Pa Sa Rekomendasyon Sa City Government Kon Taman Ra Ba Oktubre 31 O Ma-Extend Ba An MECQ Hangtud Nobyembre 15

- Advertisement -

Sa tigum kahapon sa Provincial Inter Agency Task Force, mipagawas nan baruganan an mga kapitanes pinangulohan ni ABC President Rico Nagas nga dapat ma extend an MECQ hangtud Nobyembre 15, 2020. Nagreport isab an mga doctors na daku an naitabang sa MECQ declaration sa syudad tungod kay noubos an admission sa respiratory cases sa mga hospital.

Nagpahayag isab si Vice Governor Geed Gokiangkee na importante gajud an contact tracing. Tagrekomendar usab sa bise gobernador na dapat tan-awon an lain panig sa epekto sa ekonomiya sa Surigao City, sa transportasyon, manindahay dapat ini timbang timbangon pagdajaw sa kagamhanan sa syudad.

Tagsugyot ni Governor Matugas na an granular lockdown o ECQ adto lamang sa mga bayay na identified nga may nagpositive sa COViD-19. Kuman na adlaw taghuyat an rekomendasyon sa City Inter Agency Task Force kon may basihan ba an pag extend sa MECQ hangtud Nobyembre 15, 2020.

Sa Agusan del Sur sanan Agusan del Norte waya nay mga provincial checkpoints sanan dili na restricted area. Si Agusan del Sur Governor Santiago Cane nagpabutang nan daku na tarpaulin sa border na “You may enter at your own risk” sanan tagbutang an mga ngayan nan mga munisipyo na may local transmission. Sa Agusan del Norte, an mga munisipyo ra kan an nagcheckpoint, sumaya sa pamahayag kahapon sa tigum na tagpahigayon ni Governor Matugas.

An Surigao del Norte sanan Surigao del Sur nagpabilin pa na restricted areas dinhi sa Caraga Region sanan tag estudyohan pa an mga lakang ipatuman kon ablihan na an border sa ato probinsiya.

Kahapon Oktubre 30, 2020 an report nan DOH na wayay bag-ong nagpositibo sa CoViD-19 sa Surigao City. Mitaas isab an recoveries sa 106 cases sa 235 ka mga kunpirmadong kaso sa syudad. Gikan niadtong Oktubre 24 waya na madugangi an 31 ka mga nakalas na kinabuhi na confirmed positive sa CoViD-19 sanan an aktibo na kaso 98 na lamang. (SM Jun Clerigo, RPN DXKS Surigao)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -