Gutgutiguten ni Gob. Matthew Marcos Manotoc dagiti ubbing nga agbasa kadagiti story telling a maipo-post iti Facebook page ti I Hub iti Probinsia.
Ti pannakaipost dagitoy iti fb account ti provincial library ket maysa kadagiti trabaho ken proyekto ti I-Hub nga idadauloan ni Mr. Eric Coloma kabayatan iti kangitingitan ti panawen iti covid 19 pandemic.
Inlawlawag ni Ms. Marygrace Justo iti Provincial Library a napanunutan ti gobernador iti nasao a programa tapno saan a madukutan dagiti ubbing nga awan iti ub-ubraen da gapu ti saanda a pannakaruar iti uneg ti pagtaengan da.
Gagem pay iti panagbasa da ti story telling kadua da dagiti nagannak da ket tapno maitandudu pay dagiti nagduduma a napipintas nga estoria.
Malaksid iti daytoy, masa pay ti laeng dagiti ubbing nga agbasa iti libro malaksid pay a manayunan iti adal dagitoy.
Mamati ti gobernador a babaen iti nasao a programa ti I-hub iti probinsia ket agbalin nga inspirasion dagiti ubbing bayat iti panagsakdo da iti adal ken panagdakkel da.
(Ronald Domingo, RPN DZRL Batac Correspondent)
(Source: Provincial Government of Ilocos Norte)