Inannugot ni Gobernador Matthew Marcos Manotoc a madanagan iti umad-adu a kasi ti COVID-19 ditoy Ilocos Norte.
Nupay kasta, impasiguradona nga awan ti planona a mangipangato ti ‘’quarantine level’’ ti Probinsia.
Inlawlawagna a nupay naipanen ti probinsia ti Ilocos Sur ken La Union iti babaen ti Modified Enhanced Community quarantine wennu MECQ keta wan ti makitana a rason tapno aramidenna met daytoy a banag.
Segun kenkuana, napinget ti kalikagumna a masigurado a makagin-awa dagiti Authorized Person outside Residence wenno APOR pakairamanan dagiti cargo ken negosio.
Impetteng a masapul nga agtultuloy ti panagnegasio iti probinsia a mangrugrugi pay laeng a bumangbangon.
Kalikagum ti gobernador a maitultuloy ti agdama nga estratehia ti probinsia a ‘’localized targeted lockdown’’ no kasapulan.
Mamati ni Gob. Manotoc a nasken a maisardengen a maipatungpal dagiti ‘’large scale lockdown’’ gapu ta apektado unayen dagiti kakailian. (Ronald Domingo, RPN DZRL Batac Correspondent)
(Source: Provincial Government of Ilocos Norte)