29 C
Manila
Saturday, April 20, 2024

Gob. Gwen Wa Maka Uyon Sa Wala Pag Coordinate Sa “Mercy Voyage” Sa OWWA

- Advertisement -

Cebu City- Wala makauyon si Gob. Gwendolyn Garcia sa wala pag-coordinate kaniya sa OWWA o Overseas Workers Welfare Administration bahin sa ‘mercy voyage’ sa kapin sa 200 ka seafarers nga midunggo sa Sugbo ganinang kaadlawon.

Atubangan sa media, si Garcia miingon nga nahibaw-an lang niya ang maong kalamboan pinaagi sa Facebook messenger.

Sa nasayran, mikabat og 328 ka repatriated OFWs  o overseas Filipino workers ang sakay sa pasaheroang barko sa 2GO nga MV St. Michael Archangel nga mibiya sa Manila alas 10 gahapon sa buntag.

Sa maong gidaghanon, 220 ang mga Sugboanon ug 47 ang Bol-anon nga nagdungan pagkawas sa Pier 6 sa Cebu City diin ang mga Bol-anon gihatod sa Pier 1 diin sila makasakay og laing barko paingon sa Bohol.

Sa nasayran, natanggong sa Manila ang mga OFWs sulod sa pipila ka semana gumikan sa enhanced community quarantine o ECQ taliwa sa hulga sa Covid 19.

Sukad sa tungatunga niadtong Marso, gidili na sa Sugbo ang pagsud  sa mga tawo gikan sa ubang lalawigan isip pamaagi batok sa coronavirus disease.

Giangkon sa gobernador nga nakalitan siya pagkabasa sa messenger sa abiso bahin sa maong mga seamen.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -