Radio Philippines Network
DXKO CDO News Provincial News

Gidudahang Positibo Sa ASF Nga Mga Baboy Abtik Nga Napugngan Sa PVET Nga Makasulod Sa Misor

Paspas nga miresponde ang buhatan sa Provincial Veterinary Office (PVET) niadtong adlawng Martes, Enero 5, 2021 human makadawat og report gikan sa Lugait Provincial Task Force on the Prevention and Control of Animal Diseases (PCAD) Quarantine Station nga adunay naharang nga multicab nga giingong nagdala og 18 ka mga baboy nga gidudahang gikan sa mga munisipalidad gawas sa Misamis Oriental nga adunay natalang positibong kaso sa African Swine Fever (ASF).

Dali dayon nga gipadala ni Provincial Veterinarian Dr. Benjamin S. Resma ang usa ka grupo pinangunahan ni Assistant Provincial Veterinarian Dr. Efren Melner Viloria kauban sila Department of Agriculture Supervising Agriculturist Mr. Luisito S. Ofngol ug Department of Agriculture Veterinarian II Mr. Julesben Caesar C. Maquiling aron sutaon dayon didto sa Lugait ug mapangunahan ang husto nga disposal sa mga baboy.

Gidawat ni Mayor Zosimo A. Perez Jr. sa Lugait kauban ang iyang team ang mga representante gikan sa PVET ug Department of Agriculture ug personal nga naghatag og tabang atol sa pagpahigayon sa euthanasia ug proper disposal sa tanang 18 ka mga baboy.

Human sa malampuson nga disposal sa mga baboy gipasalamatan ni Mayor Perez ang mga paningkamot ni Gobernador Bambi Emano ang Chairman sa PCAD gumikan sa iyang pagtutok ug epektibo nga pagpangulo sa nagkalain-laing mga departamento ug ahensya hinungdan nga nagmalampuson ang pagpugong nga makasulod sa lalawigan ang mga delikado nga baboy nga makatakod.

Gumikan sa paspas nga lakang sa Administrasyon ni Gobernador Bambi epektibo kining nakapanalipod sa industriya sa babuyan ug ang paspas nga aksyon maoy hinungdan nagpadayong ASF-free ang lalawigan sa Misamis Oriental. (PIO-MisOr)

Related posts

Dapitan City Proclaims Elected Local Officials

RPN

Bacolod City Adopts Stricter Health Protocols In Barangays

RPN

Congratulations Surigao City Police Station & 1st Surigao del Norte Provincial Mobile Force Company

RPN