GENERAL SANTOS CITY – Padayon pang giimbestigahan sa Bula Police Station ang natigayong pagpamusil sa Usa ka vendor sa Santiago Blvd siyudad sa Heneral Santos alas 2:00 sa Kaadlawon Oktubre 3,2023.
Sa inisyal nga imbestigasyon sa Bula Police Station ang biktima naila sa pangalan nga si Omar Delimpungan Palaca 37 anyos ug vendor sa Merkado Publiko ning siyudad .Ang nasampit nga biktima nakaangkon ug samad pinusilan sa iyang tiyan ug tiil human gipusil sa tulo ka higayon sa wala pa mailhing suspitsado. Na rekober sa nahitaboan sa krimen ang tulo ka basiyo sa bala sa kalibre 45 diin kasamtangan ginaproseso na isip ebedinsya sa maong panghitabo. (Rey G.Ombaña)