General Santos City – Usa ka tricycle driver dead on the spot sa wala mailhing mga suspek. Giila sa mga kapulisan sa Lagao Police Station ang biktima nga si Harrison Malagante, 36 anyos nga taga Zone 4, Blk 1, Brgy. Lagao ning syudad
Sumala pa nga alas 10:20 kagabii gisubay sa usa ka barangay tanod ang ilang lugar human nakadungog ug buto sa pusil, milabay ang pipila ka oras nakaplagang wala nay kinabuhi ang nasampit nga tricycle driver samtang sakay sa iyang gimanehuang tricycle sa National Highway, corner Prk. Tahimik, Brgy. Baluan. Aduna kiniy samad pinusilan sa lawas hinungdan sa iyang hinanaling kamatayon.
Dali dayung narespondehan sa mga kapulisan ang panghitabo pinaagi sa tawag sa maong barangay tanod.
Ginatutukan karun sa mga otoridad nga posibleng suspek sa krimen mao ang usa ka nahimong pasahero sa biktima nga dali nakasibat sakay ang motorsiklo padulong sa Gensan Proper. Human sa krimen nagpahigayon dayun ang mga kapulisan ug flash alarm, gibantayan usab ang tanang exit ug entry points sa syudad.
Narekober usab sa SOCO Team sa crime scene ang 1 ka fired bullet ug 1 ka buhing bala sa caliber 45 nga gipailawom dayun sa laboratory examination
Sa kasamtangan, anaa sa pribadong purinarya ang patayng lawas sa biktima. Nagpadayun pa usab sa pagsuta sa posibleng respondable sa krimen. (Fred Degala)